-
الست المصرية على مر التاريخ قدرت تثبت إنها شريك حقيقي للراجل في حاجات كتير
-
ومع ذلك، وإحنا في سنة 2011، لسه بنلاقي ناس في مصر بتبص للست نظرة
-
فيها تناقض وفيها ظلم
-
أنا ليا 3 تجارب مختلفة للعمل
-
أول تجربة.. هاحكي من وجهة نظري كمرأة طبعًا إيه الفرق بين شغلي وبين شغل الرجالة
-
أوكيه أنا كنت محظوظة أصلاً إني جاتلي أول شغلة بعد التخرج مصادفة
-
ولقينا رئيس القسم اللي أنا اشتغلت فيه كانت ست
-
فاحتمال ماكانش عندها مشكلة قوي مع كوني ست ولا راجل
-
كانوا مفضلين لو إنه ولد يشتغل
-
ولكن لاحظوا إن الولاد اللي بتيجي
-
كانت بتبقى أقل كفاءة وأقل نشاط من البنات
-
اشتغلت
-
بس كان من الملفت في خلال الست سنين اللي اشتغلتهم في أول شركة اشتغلت فيها
-
وهي مؤسسة صحفية ليها موقع على الإنترنت
-
إنه كان فيه gap
-
في المرتبات بين الولاد والبنات
-
والولاد كانوا دايمًا بياخدوا مرتبات أعلى
-
حتى لو بيشتغلوا شغل أقل
-
حتى لو في كادر وظيفي أقل
-
وكان بيبقى المنطق في ده إنهم مسئولين عن بيت وأسرة
-
فبالتالي هم أحق بمرتب أكبر
-
أنا ماظنش إن المجتمع المصري مابيتقبلش عمل المرأة
-
يعني أنا متهيألي المشاكل اللي بتقابل الستات في الشغل
-
مش إن الناس مش قابلة إنهم ينزلوا الشغل
-
أكتر ماهي إن بيبقى عندهم حالات معينة بتمنعهم إنهم يعملوا ده
-
يعني مثلاً أنا عندي أصحاب كتير أنا أعرفهم
-
اختاروا بنفسهم إن هما يقعدوا أكتر من سنة
-
في الأول وهما في البيت
-
جمب أطفالهم وهما صغيرين
-
ولما حاولوا بعد كده أو حبوا إن هما يرجعوا تاني لسوق العمل
-
قابلتهم مشاكل
-
من نوعية إن مثلاً عايزين يلاقوا تدريب أو توجيه
-
ومش عارفين مين ممكن يساعدهم في إن هما يلاقوا ده
-
فيه بعضهم بيحاول إن هو يلاقي فرصة إنه يلاقي منح مجانية مثلاً
-
تساعده إنه يرجع برضه سوق العمل تاني
-
مابيلاقوش اللي يقدر إنه هو يوجههم على الطريق الصح
-
إنهم يوصلوا للمنح دي إزاي
-
فيه في حالات كتيرة تانية
-
سيدات بيفكروا إن هما مثلاً يعملوا مشاريع خاصة بيهم في البيت
-
وبيبقوا محتاجين برضه مساعدة من نوع ما
-
حد يقدر يقول لهم إيه الخطوات عشان يقدروا إن هما يوصلوا لده
-
محتاجين دور أقوى للمرأة في مصر في الفترة اللي جاية
-
وبما إننا داخلين على فترة انتخابات
-
يمكن تكون أول انتخابات حقيقية هاتحصل في مصر
-
محتاجين إنه يكون فيه توعية سياسية للمرأة أكتر من كده
-
يكون فيه tips
-
سهلة على المواقع المتخصصة للمرأة
-
تقدر إن هي بالمرة وهي داخلة كده كده على الموقع ده
-
تعمل حاجة.. تقرا حاجة تقولها أنا إزاي أروح انتخب
-
إيه نظام القايمة
-
إيه نظام الفردي
-
سير الانتخابات بيمشي إزاي
-
الحاجات دي محتاجة إن المرأة تعرفها بسرعة قبل الانتخابات
-
فدي تكون فكرة كويسة لو نحطها على المواقع المتخصصة للمرأة
-
وإحنا داخلين على عصر جديد
-
بنشوف فيه مصر من غير فساد ولا استبداد
-
نفسنا كمان نشوف نظرة جديدة للستات في مصر
-
صوت المرأة المصرية" موقع جديد"
-
بيرفع الوعي، وبيساعد الستات في حل مشاكلهم
-
تابعونا