Í rétt rúmlega ár höfum við verið að byggja
virkilega spennandi verkefni fyrir vefinn sem kallast GNU MediaGoblin
MediaGoblin er útgáfukerfi fyrir margmiðlunarefni
sem getur hýst hljóð, myndbönd, myndir og fleira.
Þetta er frjáls hugbúnaður sem hver sem er getur keyrt.
... og aðlagað að sínum þörfum.
Það getur gert fullt af svölum hlutum, eins og að styðja við margar tegundir af margmiðlunarefni,
frá myndum, til myndbanda, til hljóðskráa.
Þetta þýðir að þú getur haft allt margmiðlunarefnið þitt á einum stað.
Kerfið er hannað með viðbætur í huga.
Þú getur bætt við nýjum margmiðlunartegundum,
jafnvel einhverju rosalegu eins og textamyndefni.
Af hverju ekki?
MediaGoblin er að þróast í virkilega töff hugbúnað
sem hjálpar vefnum að verða að fallegri stað.
Við þurfum samt ÞÍNA hjálp til að ná því markmiði!
Netið og veraldarvefurinn voru hönnuð til að vera dreifð kerfi.
Það er frábært því það gerir alþjóðlegt og fjölbreytt samtal mögulegt.
Það er líka mjög áreiðanlegt kerfi. Ef einn vefþjónn hverfur af einhverri ástæðu,
verður Netið samt ennþá til staðar.
John Gilmore sagði: „Netið sér ritstýringu sem kerfisgalla...
... og beinir notendum framhjá honum.“
Nýlega hefur Netið samt verið að færa sig í aðra átt...
Í auknum mæli hefur áreiðanlegi vefurinn sem samanstendur af minni vefsíðum
breyst í stórar, mjög miðlægar vefsíður
Þessu fylgja nokkur vandamál.
Eitt af þeim er að því miðlægari sem vefurinn verður,
því auðveldara er það fyrir samtök að gera ritstjórn sjálfvirka,
annaðhvort í gegnum miðlæga rekstraraðilann sjálfan
eða í gegnum þrýsting af hálfu annarra aðila.
Í svona miðlægu kerfi getur Netið ekki beint notendum framhjá kerfisgöllum lengur.
Kerfið er mun viðkvæmara en áður.
Á dreifðum vef
lifir kerfið áfram jafnvel þótt lítill hluti þess detti út.
Hvað ef ljómsyndir allra væru á Flickr
og Flickr myndi hverfa? Hvað myndi gerast ef YouTube myndi hverfa?
Hvað myndi gerast við öll kattamyndböndin á Netinu?
Þetta yrði fjölda-kattar-morð!
...og það leiðir til daprari veraldarvefs.
Þess vegna erum við að búa til MediaGoblin.
MediaGoblin er umhugað um frelsi og að setja valdið aftur í hendurnar á notendum.
Þetta er GNU verkefni, einmitt af því að okkur er annt um frelsi.
...og við höfum gert fullt af ótrúlega svölum hlutum.
Við höfum stuðning við flestar tegundir af efni...
...og meiri stuðningur er á leiðinni bráðum!
Við höfum stuðning við mismunandi þemu þannig að kerfið getur litið út eins og þú vilt.
Við höfum stuðning við OpenStreetMap þannig að þú getur séð hvar myndirnar þínar voru teknar!
Við höfum athugasemdakerfi og fleira sem vefnotendur eru vanir.
Þetta er alvöruhugbúnaður og þú getur keyrt hann eins og þú vilt!
Síðasta eitt og hálfa árið höfum við notið aðstoða meira en 50 forritara
og gefið út nokkrar stærri útgáfur.
Þetta eru virkilega spennandi tímar!
Við þurfum samt þína hjálp!
MediaGoblin er kominn mjög langt á veg
en það er fullt af öðru dóti
sem hugbúnaðurinn þarf á að halda
til þess að geta orðið
besti margmiðlunar-hýsingar-hugbúnaðurinn í heimi.
Augljósasta þörfin er kerfissamhæfing.
Kerfissamhæfing er það sem gerir tölvupóst mögulegan:
Þú og vinir þínir geta verið á mismunandi netþjónum
en að senda tölvupóst á milli virkar eins og þið séuð á sama netþjóninum.
Við viljum að margmiðlunarhýsing virki á sama hátt.
StatusNet, samhæfða örbloggsþjónustan
hefur rutt veginn fyrir fullt af virkni sem við þurfum...
en að matreiða myndbönd, hljóð og myndir
hefur sín eigin vandamál og það er þess vegna sem við þurfum þína hjálp.
Við höfum fullt af góðum forriturum og við vitum hvernig á að búa þetta allt saman til!
MediaGoblin þarf samt einbeitta forritara
svo verkefnið geti fengið þá athygli sem það þarf.
Þetta er líka þekkt sem
„forritarar-þurfa-að-borða-vandamálið“
Við höfum góða verkáætlun og við þurfum þig til að hjálpa til með fjárframlagi
svo við getum ráðið forritarana og hönnuðina okkar
til þess að byggja einingarnar sem MediaGoblin
þarf á að halda
til að verða það sem MediaGoblin getur orðið.
Forritararnir eru tilbúnir,
tilbúnir til að eyða klukkutímum í forritun en við þurfum þinn stuðning.
Takk fyrir að hlusta.
Endilega sýndu MediaGoblin stuðning
og hjálpaðu okkur að gera heimsins fallegustu margmiðlunarframtíð að veruleika!