காட்சிப்படுத்தல் எனது வேலையின் அடிப்படை.

நான் உலக சுகாதாரத்தை போதிக்கிறேன்.

தரவுகள் மட்டும் போதாது என்பதை நான் அறிவேன்.

மக்கள் விரும்பும் வண்ணமும், புரிந்துகொள்ளும்படியும், தரவுகளை நான் காட்டவேண்டும்.

எனவே, நான் ஒரு புது முறையை கையாளவிருக்கிறேன்.

தரவுகளுக்கு நிகழிடத்தில் அசைவூட்டம் தருகிறேன்,

என் குழு தரும் சில தொழில்நுட்ப உதவிகளுடன்.

முதல் அச்சு சுகாதாரத்தை பிரதிநிதிக்கிறது.

மனிதனின் ஆயுட்காலம் 25 முதல் 75 ஆண்டுகள் வரை.

கீழ் அச்சு பொருளியலைக் காட்டுகிறது.

தனிநபர் வருமானம்: 400, 4000 மற்றும் 40,000 டாலர்கள்.

எனவே, கீழே ஏழைகளும் நோயாளிகளும் இருக்கின்றனர்.

மேலே, பணக்காரர்களும், உடல்நலமுடையவர்களும்.

200 வருடங்களுக்கு முன்னர் இருந்த உலகை காட்டுகிறேன்.

1810-ல்.

நாடுகள்:

ஐரோப்பா பழுப்பு, ஆசியா சிவப்பு, மத்திய கிழக்கு பச்சை, ஆப்பிரிக்கா - சஹாராவின் தெற்கு நீலம்,

அமெரிக்கா மஞ்சள்.

நாடுகளை காட்டும் குமிழிகளின் அளவு அந்நாட்டின் இனத்தொகையை காட்டுகிறது.

1810-ல், கீழே மிகவும் நெருக்கமாக உள்ளது.

எல்லா நாடுகளும் நோயுற்றும், ஏழையாகவும் இருக்கின்றன.

ஆயுட்காலம் 40 வருடங்களுக்கும் குறைவாகவே உள்ளது.

பிரிட்டிஷ் கூட்டரசும் நெதர்லாந்தும் மட்டும் கொஞ்சம் நன்றாய் இருக்கின்றன,

ஆனாலும், அதிகம் சொல்லும் அளவில் இல்லை.

இன்றைய உலகு.

தொழிற்புரட்சி, ஐரோப்பிய மற்றும் சில நாடுகளை,

ஏனைய நாடுகளிலிருந்து நகர்த்துகிறது.

ஆனால், காலனியாதிக்கத்திற்கு உள்ளான ஆசிய மற்றும் ஆப்பிரிக்க நாடுகள்

இங்கேயே மாட்டிக் கொள்கின்றன.

மேற்கத்திய நாடுகள் மேன்மேலும் சுகாதாரமுடைய நாடுகளாக உருவெடுக்கின்றன.

இப்பொழுது,

முதல் உலகப்போர் மற்றும்

இஸ்பானிய இன்ஃபுளுவென்சா விளைவுகள். பேரழிவு.

1920-களையும் 1930-களையும் பார்ப்போம்.

பெரும் பொருளியல் வீழ்ச்சி ஏற்படினும்,

மேற்கத்திய நாடுகள்

பொருளியலையும், சுகாதாரத்தையும் நோக்கி நகர்கின்றன.

ஜப்பான் மற்றும் சில நாடுகள் மேற்கத்திய நாடுகளை தொடர முற்படுகின்றன.

இருப்பினும், பெரும்பாலான நாடுகள் கீழையே தங்கிவிடுகின்றன.

இரண்டாம் உலக போரின் துயரங்களுக்குப் பின்,

1948-ன் உலகை பார்ப்போம்.

1948 ஒரு நல்ல ஆண்டு: போர் முடிவுற்று இருக்கிறது,

ஸ்வீடன் குளிர்கால ஒலிம்பிக்ஸில் வெற்றிபெருகிறது,

நானும் பிறந்த ஆண்டு.

ஆனால், நாடுகளுக்கு இடையிலான வேறுபாடுகள்

முன்பைவிட அதிகமாக உள்ளன.

அமெரிக்கா முன்னிலையில் உள்ளது, ஜப்பான் அதனை தொடர்கிறது.

பிரேசில் பின்னால் இருக்கிறது,

ஈரானும் பெட்ரோலிய உற்பத்தியால் பொருளியல் ஈட்டுகிறது; ஆனால், குறிகிய ஆயுட்காலம் கொண்டுள்ளது.

ஆசிய பெருநாடுகள்:

சீனா, இந்தியா, பாகிஸ்தான், வங்காளதேசம், மற்றும் இந்தோனேசியா,

இன்னும் ஏழையாகவும் நோயுற்றும் இருக்கின்றன.

ஆனால், என்ன நடக்க இருக்கின்றது என பாருங்கள்.

இதோ!

எனது ஆயுட்காலத்தில், காலனித்துவ நாடுகள் சுதந்திரம் அடைகின்றன.

அவற்றின் சுகாதாரம் அதிகரிக்கின்றது.

தொடரும் சுகாதார வளர்ச்சி,

தொடரும் சுகாதார வளர்ச்சி,

1970-ல், ஆசிய மற்றும் லத்தின் அமெரிக்க நாடுகள்

மேற்கத்திய நாடுகளின் நிலையை எட்டிப்பிடிக்க ஆரம்பிக்கின்றன.

அவை வளரும் பொருளாதாரங்களைக் கொண்டுள்ளன.

சில ஆப்பிரிக்க நாடுகளும் பின்தொடர்கின்றன.

சில ஆப்பிரிக்க நாடுகள் உள்நாட்டுப்போரில் அகப்பட்டுகொள்கின்றன.

மற்றவை எச்.ஐ.வி-யிடம்.

இன்றைய உலகை

நவீன புள்ளிவிவரங்களுடன் காண்போம்.

அதிகமானோர் நடுவில் வாழ்கின்றனர்.

அதே வேளையில், பெரிய வித்தியாசங்களும் உள்ளன.

நல்ல நிலையிலான நாடுகளுக்கும், மோசமான நிலையில் உள்ள நாடுகளுக்கும் இடையில்.

நாடுகளுக்குள் சமநிலை இல்லை.

இந்த குமிழிகள் நாட்டின் சராசரியை காட்டுகின்றன.

ஆனால், என்னால் இதனை பிரிக்க முடியும்.

சீனாவை எடுத்துகொள்வோம். மாநிலங்களாக பிரிக்க முடியும்.

இது ஷங்ஹாய்.

இதற்கும் இத்தாலிக்கும் சமமான பொருளியலும் சுகாதாரமும் இருக்கின்றன.

இது ஏழை உள்நாட்டு மாநிலமான குய்சொ,

இது பாகிஸ்தானைப் போன்றது.

மேலும் பிரிக்கையில்

நாட்டுபுரங்கள் ஆப்பிரிக்காவின் கானாவை போன்றன.

இத்தகைய பெரிய வேறுபாடுகளுக்கு இடையில்,

இருநூறு ஆண்டுகளுக்காண குறிப்பிடத்தக்க வளர்ச்சியினைக் கண்டோம்.

நீண்ட வரலாற்றுக்குரிய மேற்கத்திய-கிழக்கத்திய

நாடுகளுக்கிடையிலான இடைவெளி இப்பொழுது குன்றுகிறது.

நாம் புதிதாய் ஒருங்கிணையும் உலகை காண்கிறோம்.

நான் தெளிவான எதிர்காலத்தை காண்கிறேன்.

அது உதவி, வணிகம், பசுமை தொழில்நுட்பம் மற்றும் அமைதியால் ஆனது.

அனைவரும் சுகாதாரமும் பொருளியலும் கொண்ட

இந்த மூலையை அடைய முடியும்.

நீங்கள் கடந்த சில நிமிடங்களில் கண்டது

இருநூறு நாடுகளின்

இருநூறு ஆண்டுகளுக்கும் மேலான கதை.

120,000 எண்களை செயல்படுத்துவதன் மூலம் அமைந்தது.

நன்றாய் அமைந்தது தானே?